Video : “संजय राऊतांना मोदींवर टीका करण्याचा अधिकार नाही”, परिणय फुके यांचं थेट वक्तव्य

नागपूरमध्ये बोलताना भाजप नेते परिणय फुके यांनी संजय राऊत आणि रोहित पवार यांच्यावर जोरदार टीका केली आहे. संजय राऊत यांच्या पंतप्रधान नरेंद्र मोदींवरील टीकेला प्रत्युत्तर देताना फुके म्हणाले की, “संजय राऊतांना मोदींवर टीका करण्याचा अधिकार नाही; त्यांनी आपल्या लायकीच्या वर बोलू नये.” त्यांनी राऊत यांच्या पक्षाची महाराष्ट्रात दयनीय अवस्था झाल्याचेही नमूद केले. रोहित पवारांच्या आंदोलनावर बोलताना फुके यांनी ते विद्यार्थ्यांचे भविष्य अंधारमय करणारे आणि स्वतःचे राजकारण चमकवणारे असल्याचे म्हटले. राष्ट्रवादी काँग्रेस शरदचंद्र पवार गटात सुप्रिया सुळे आणि रोहित पवार यांच्यात वारसा हक्कावरून सुरू असलेल्या वर्चस्वाच्या लढाईचा हा एक भाग असल्याचे त्यांनी सांगितले. रोहित पवारसारख्या चमकू नेत्यांच्या मागे न लागता विद्यार्थ्यांनी आपल्या भवितव्याकडे लक्ष द्यावे, असा सल्लाही फुके यांनी दिला.

यावेळी फुके यांनी उपमुख्यमंत्री देवेंद्र फडणवीस यांचे कौतुक केले. फडणवीस हे देशाचे आणि राज्याचे भवितव्य असल्याचे त्यांनी स्पष्ट केले. तसेच, अलीकडील आंदोलनांमध्ये भाड्याचे लोक आणले जात असल्याचा आरोप करत, या आंदोलनांमुळे मोदी किंवा फडणवीस यांना कोणताही फरक पडणार नाही, असे फुके यांनी म्हटले.