Gopichand Padalkar : आंबेडकरांच्या पुस्तकात मुस्लीम भारताला…. पडळकरांच्या ‘त्या’ वक्तव्यानं नवा वाद पेटणार!

भाजप आमदार गोपीचंद पडळकर यांनी अहिल्यानगर येथील एका सभेमध्ये केलेल्या वक्तव्यामुळे राजकीय वर्तुळात नवा वाद निर्माण होण्याची शक्यता आहे. पडळकर यांनी म्हटले आहे की, डॉ. बाबासाहेब आंबेडकरांनी फाळणीपूर्वी लिहिलेल्या एका पुस्तकात मुस्लीम भारताला युद्धाचे घर मानतात असे नमूद केले आहे. त्यांच्या मते, मुस्लिमांसाठी राष्ट्र प्रथम नसून इस्लाम प्रथम आहे.

पडळकर यांनी महामानव डॉक्टर बाबासाहेब आंबेडकर साहेबांनी १५ ऑगस्ट १९४७ ला फाळणी होण्यापूर्वी जे पुस्तक लिहिलंय, त्या पुस्तकात लिहून ठेवलंय असेही स्पष्ट केले. याचा अर्थ जगातले जे मुसलमान भूमिका घेतात ती त्यांना भारतापेक्षा इस्लामला प्राथमिकता देतात, असे ते म्हणाले.

या वक्तव्याला प्रतिउत्तर देताना, बाबासाहेबांना सोयीनुसार वापरण्याचा प्रयत्न करू नये असेही म्हटले गेले. तसेच, देश नंतर आणि इस्लाम आधी असे असते तर इस्लामिक कंट्री राहिली असती का? भारतात एवढे मुसलमान कसे झाले असते? अब्दुल कलाम राष्ट्रपती कसे झाले असते? असे प्रश्न उपस्थित करत, भारतीय जनता पार्टीने पाळलेले लोक असे भुंकण्यासाठी नेमलेले आहेत असे प्रतिउत्तर देण्यात आले.