KDMC Elections 2026 Result : कल्याण डोंबिवलीत ठाकरेंच्या शिवसेनेकडून मशीन बदलल्याचा आरोप

महाराष्ट्र निवडणूक 2026 च्या निकालांचे प्राथमिक अपडेट्स समोर आले आहेत. यामध्ये भाजप सध्या 99 जागांवर आघाडीवर आहे. उल्हासनगरमध्ये मनसेने प्रभाग 14 मधून सचिन कदम यांच्या विजयासह खाते उघडले आहे. मुंबईत प्रभाग 74 मधून मनसेच्या विद्या आर्या आघाडीवर आहेत, तर प्रभाग 90 मधून काँग्रेसच्या ट्युलिप मिरांडा 7 मतांनी विजयी झाल्या आहेत. विशेष म्हणजे, ठाकरे गटाचे आमदार सुनील प्रभू यांचा मुलगा अंकित प्रभू मुंबईतून विजयी झाल्याने ठाकरे गटाला दिलासा मिळाला आहे. नाशिकमध्ये माजी आमदार वसंत गितेंचा पुत्र प्रथमेश गीते पराभूत झाले आहेत. सोलापूरमधील प्रभाग 26 मधून भाजपचे सर्व चार उमेदवार विजयी झाले आहेत.

या निकालांदरम्यान, कल्याण डोंबिवलीतून एक गंभीर आरोप समोर आला आहे. प्रभाग 20 मध्ये ठाकरे गटाच्या शिवसेनेकडून मशीन बदलल्याचा आरोप करण्यात आला असून, या विरोधात आंदोलनही करण्यात आले आहे. कल्याणमधील आकडेवारीनुसार, भाजप 46 जागांवर आणि शिंदे गट 28 जागांवर आघाडीवर आहे, तर ठाकरे गट दोन आणि मनसे चार जागांवर आघाडीवर आहेत.