Video : बाळासाहेबांनी खोटेपणाचं राजकारण केलं नाही, त्यांच्यानंतर मात्र…, राम कदमांची ठाकरे बंधूंवर टीका

भाजप नेते राम कदम यांनी उद्धव ठाकरे आणि राज ठाकरे यांच्या नियोजित मोर्चावर जोरदार टीका केली आहे. बाळासाहेब ठाकरे यांनी कधीही खोटेपणाचे राजकारण केले नाही, परंतु त्यांची नंतरची पिढी खोटेपणाचा भ्रम पसरवणाऱ्या टोळीत सामील होत असल्याचे त्यांनी म्हटले. राम कदम यांनी मोर्च्याच्या उद्देशावर प्रश्नचिन्ह उपस्थित केले. निवडणूक आयोग मतदार यादीतून बोगस नावे, मृत व्यक्तींची नावे किंवा घर सोडून गेलेल्यांची नावे काढत असताना, त्याला विरोध का, असा सवाल त्यांनी केला. हे बोगस मतदारांना समर्थन देण्यासारखे आहे आणि राहुल गांधींपासून सीजेपीपर्यंत अनेक जण देशात खोटेपणाचा भ्रम पसरवत असल्याचा आरोप त्यांनी केला.

वर्तमान सरकारवर आरोप करण्यासाठी मुद्दे नसल्यामुळेच हे लोक खोटे भ्रम पसरवण्याचा प्रयत्न करत आहेत, असेही कदम यांनी नमूद केले. पंतप्रधान नरेंद्र मोदींच्या नेतृत्वाखाली देश प्रगती करत असताना, विरोधी पक्षांकडून हे प्रयत्न सुरू आहेत, असे त्यांचे म्हणणे आहे.