संत गजानन महाराज यांचा आज 145 वा प्रगटदिन, दर्शनासाठी शेगावमध्ये भाविकांची गर्दी

बुलढाणा : संत गजानन महाराज यांचा आज प्रकट दिन आहे. गजानन महाराज यांचा आज 145 वा प्रगटदिन असून आज त्यांच्या दर्शनासाठी मोठ्या प्रमाणावर गर्दी केली जात आहे. विदर्भातील पंढरपूर म्हणून ओळख असलेल्या शेगावमध्ये मोठ्या संख्येने भाविक उपस्थित आहेत. गजानन महाराज यांच्या दर्शनासाठी हजारो भाविक आज शेगावमध्ये आहेत. गजानन महाराज मंदिर परिसर भाविकांनी गजबजून गेलाय.  प्रकटदिनानिमित्ताने शेगाव संस्थानामार्फत विविध धार्मिक कार्यक्रमाचे आयोजन करण्यात आलं आहे.प्रकटदिनानिमित्त राज्यभरातून अनेक भाविक महाराजांचं दर्शन घेण्यासाठी येत आहेत.