रेल्वे अपघानंतरचा भायवह व्हिडीओ, ट्रॅकवर पडले 6 मृतदेह; रेल्वेच्या PRO नी सांगितलं अपघाताचं कारण…

मुंबईतील मुंब्रा आणि दिवा रेल्वे स्थानकांदरम्यान आज सकाळी 9 वाजेच्या सुमारास कसाऱ्याकडून सीएसएमटीकडे जाणाऱ्या लोकलमधून आठ ते नऊ प्रवासी खाली पडले आणि त्यापैकी सहा जणांचा मृत्यू झाला. या अपघातानंतर मध्य रेल्वेच्या जनसंपर्क अधिकाऱ्यांनी या घटनेसंदर्भात अधिकृत माहिती दिली. या घटनेनंतर रेल्वे बोर्डाकडूनकाही महत्त्वपूर्ण निर्णय घेण्यात आले. रेल्वेच्या जनसंपर्क अधिकाऱ्यांनी दिलेल्या माहितीनुसार, नवीन गाड्या ऑटोमॅटिक डोअर क्लोजरसह येतील. त्याच्यामध्ये 238 एसी लोकल मुंबई उपनगरासाठी घेतले जाणार आहेत. या गाड्यांना ऑटोमॅटिक डोअर फिटमेंट असेल. तिसरा निर्णय म्हणजे आयसीएफद्वारे आताच्या लोकल गाड्यांना रेट्रो फिटमेंटच्या माध्यमातून दरवाजे बंद करण्याची सिस्टिम लावण्याचा प्रयत्न करणार असल्याचे त्यांनी सांगितले.