Sudhakar Badgujar : …त्यांना दरवाजे उघडे, सुधाकर बडगुजरांची पक्षातून हकालपट्टी अन् बावनकुळेंची थेट खुली ऑफर काय?

ठाकरे गटाच्या शिवसेनेचे उपनेते आणि संजय राऊत यांचा उजवा हात समजला जाणाऱ्या सुधाकर बडगुजर यांची ठाकरे गटातून हकालपट्टी करण्यात आली आहे. तर सुधाकर बडगुजर यांनी पक्षाच्या व्यासपीठावर नाराजी व्यक्त केली नाहीतर पक्षात एखादा व्यक्ती असला काय आणि नसला काय फरक पडत नाही, अशी प्रतिक्रिया ठाकरे गटाचे नेते अंबादास दानवे यांनी दिली. तर दुसरीकडे भाजपच्या चंद्रशेखर बावनकुळे यांनीही सुधाकर बडगुजर यांच्यावर प्रतिक्रिया दिली. ज्याला भाजपता यायचं आहे त्यांच्यासाठी दरवाजे उघडे आहेत, असं चंद्रशेखर बावनकुळे म्हणाले तर आरोप सिद्ध होईपर्यंत एखाद्याला गुन्हेगार ठरवू शकत नाही, असेही चंद्रशेखर बावनकुळे यांनी म्हटलं आहे.