उपसमितीची निर्णय दबावखाली झाला; भुजबळांचा मोठा दावा

महाराष्ट्र सरकारने जाहीर केलेल्या मराठा आरक्षणासंबंधीच्या शासन निर्णयावर (जीआर) मंत्री छगन भुजबळ यांनी नाराजी व्यक्त केली आहे. त्यांनी टीव्ही 9 मराठीशी बोलताना सांगितले की, हा निर्णय त्यांना माहित नव्हता आणि तो दबावाखाली घेतला गेला. भुजबळ यांनी या निर्णयातील शब्दरचनेवरही आपली नाराजी व्यक्त केली आहे. त्यांच्या मते, या निर्णयाचा गैरफायदा होण्याची शक्यता आहे आणि तो ओबीसी समाजासाठीही हानीकारक ठरू शकतो. त्यामुळे या जीआरमध्ये स्पष्टता आणण्यासाठी कोर्टाकडे जाण्याचा विचार त्यांनी व्यक्त केला आहे. या प्रकरणात मुख्यमंत्र्यांना निर्णयाची माहिती होती, परंतु इतर मंत्र्यांना नाही असे भुजबळ यांनी स्पष्ट केले आहे.