दोन दिवस पुराच्या पाण्यात चिपळूणकरांचं सगळं साहित्य राहिल्यामुळे लाखो रुपयांच्या मालाचं नुकसान झालं. मुख्यमंत्री उद्धव ठाकरे चिपळूण दौऱ्यावर नुकसानीचा आढावा घेत असताना व्यापाऱ्यांच्या वेदनांचा बांध फुटला. स्वाती भोजने या महिलेने त्यांचं लक्ष वेधून घेतलं होतं. अगदी पोटतिडकीने तिने आपल्या समस्या मुख्यमंत्र्यांना ऐकवल्या आणि मदतीची मागणी केली. वेळ पडल्यास आमदार खासदारांचा दोन महिन्यांचा पगार कोकणासाठी वळवा पण आम्हाला मदत करा अशी हाक या महिलेने मुख्यमंत्र्यांना दिली होती. आता या महिलेचा आणखी एक व्हिडीओ समोर आला आहे. मंत्री उदय सामंत यांच्या भेटीवेळचा हा व्हिडीओ आहे