Mumbai : शिवाजी पार्कमध्ये CJPचं आंदोलन; स्थानिक संतापले, इथे आंदोलन नको म्हणत….

मुंबई, दादर येथील छत्रपती शिवाजी पार्क येथे सीजेपीने (CJP) ज्ञानेश कुमार यांच्या राजीनाम्याच्या मागणीसाठी आंदोलनाचे आयोजन केले आहे. तथापि, या आंदोलनाला शिवाजी पार्क परिसरातील स्थानिक रहिवाशांकडून तीव्र विरोध केला जात आहे. यापूर्वी याच परिसरात झालेल्या आंदोलनांमुळे दादर स्टेशनपर्यंत प्रचंड गर्दी होऊन परिसरातील सामान्य जनजीवन विस्कळीत झाले होते. त्यामुळे स्थानिकांनी आता पुन्हा येथे आंदोलन न करण्याची भूमिका घेतली आहे.

स्थानिकांच्या म्हणण्यानुसार, आंदोलनांसाठी सरकारने आझाद मैदानासारख्या जागा निश्चित केल्या आहेत, तिथेच आंदोलने करावीत. त्यांच्या मागण्यांवर त्यांनी न्यायालयात दाद मागावी, असेही स्थानिकांनी सुचवले आहे. पोलिसांकडून शिवाजी पार्क परिसरात योग्य ती खबरदारी घेतली जात असली, तरी स्थानिकांनी आंदोलनाला परवानगी दिल्यास पोलिसांविरोधात न्यायालयात जाण्याचा इशारा दिला आहे. यावरून आंदोलनकर्ते आणि स्थानिक रहिवासी यांच्यात संघर्ष निर्माण होण्याची शक्यता आहे. टीव्ही नाईन मराठीसाठी निखिल चव्हाण आणि कमलेश डोंगरे यांनी ही माहिती दिली आहे.