जुन्या पेन्शन योजनेसाठी कर्मचारी संपावर; शिंदे-फडणवीस यांच्या उपस्थितीत महत्वाची बैठक

मुंबई : जुनी पेन्शन योजना लागू करण्याची मागणी आता जोर धरत आहे. जुनी पेन्शन योजना लागू करा, या मागणीसाठी राज्यातील कर्मचारी आजपासून संपावर जाणार आहेत. जिल्हा परिषद,निम सरकारी, महसूल, राज्य सरकारी, महानगरपालिका यासह शासनातील सुमारे 32 विभागाचे कर्मचारी संपावर जाणार आहेत. पुणे जिल्ह्यातील 68 हजार कर्मचारी संपावर जाणार असल्याची माहिती आहे. त्यामुळे शासकीय कामकाजावर परिणाम होण्याची शक्यता आहे. दरम्यान जुन्या पेन्शन योजनेसाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत आज बैठक होणार आहे. 2005 नंतरच्यांना जुनी पेन्शन लागू होण्याची शक्यता आहे, अशी माहिती सूत्रांनी दिली आहे.