Commercial Gas Price Hike | महागाईचा फटका! एलपीजी गॅसची किंमत वाढली, किंमत 3000 च्या पुढे…

देशभरात एलपीजी गॅसच्या दरात मोठी वाढ नोंदवण्यात आली असून, व्यावसायिक वापरासाठी असलेल्या १९ किलो गॅस सिलेंडरच्या किमतीत एकाच दिवसात तब्बल ९९३ रुपयांची वाढ झाली आहे. या वाढीनंतर सिलेंडरचा दर ३ हजारांच्या घरात पोहोचला असून, हॉटेल आणि इतर व्यावसायिक क्षेत्रांवर त्याचा थेट परिणाम होणार आहे. नवीन दरानुसार, मुंबई येथे १९ किलोच्या सिलेंडरची किंमत सुमारे ३,०२४ रुपयांपर्यंत पोहोचली आहे, तर Delhiसह इतर शहरांमध्ये हा दर ३,०७१ रुपयांपर्यंत वाढला आहे. देशातील अनेक भागांत एलपीजी दरवाढीमुळे व्यावसायिकांना आर्थिक ताण जाणवू लागला आहे.
ही दरवाढ पश्चिम बंगाल आणि आसामसह काही राज्यांतील निवडणुकांनंतर करण्यात आल्याची चर्चा असून, यामुळे राजकीय आणि आर्थिक वर्तुळातही प्रतिक्रिया उमटत आहेत. दरम्यान, ५ किलोच्या लहान सिलेंडरच्या किमतीतही वाढ झाल्याची माहिती समोर आली आहे. एकूणच, एलपीजी दरवाढीमुळे महागाईचा आणखी ताण वाढण्याची शक्यता व्यक्त केली जात आहे.