Ambernath Politics : मोठी बातमी! इकडे भाजप-काँग्रेसच्या युतीची चर्चा तिकडे हर्षवर्धन सपकाळ यांचा मोठा निर्णय, नेत्याला थेट…

काँग्रेस पक्षातून एक मोठी बातमी समोर येत आहे. काँग्रेसचे अंबरनाथ शहराध्यक्ष प्रदीप पाटील यांना पक्षातून निलंबित करण्यात आले आहे. ही कारवाई प्रदेशाध्यक्ष हर्षवर्धन सपकाळ यांच्या आदेशाने करण्यात आली आहे. प्रदीप पाटील हे अंबरनाथ शहरातील काँग्रेसचे एक महत्त्वाचे पदाधिकारी आणि शहराध्यक्ष म्हणून कार्यरत होते. त्यांच्या निलंबनानंतर राजकीय वर्तुळात चर्चा सुरू झाली आहे. मात्र, प्रदीप पाटील यांच्या निलंबनाचे नेमके कारण काय आहे, हे अद्याप स्पष्ट झालेले नाही. पक्षाकडून याबाबत अधिकृत माहिती येणे अपेक्षित आहे. हर्षवर्धन सपकाळ यांनी दिलेल्या आदेशानंतरच प्रदीप पाटील यांच्यावर निलंबनाची कारवाई करण्यात आल्याची माहिती उपलब्ध आहे.