Jay Pawar Wedding : अजित दादांच्या पुत्राचं डेस्टिनेशन वेडिंग, असं असणार ग्रँड जय पवारांचं बहरीनमधलं लग्न

उपमुख्यमंत्री अजित पवारांचे पुत्र जय पवार आणि ऋतुजा पाटील यांचा शाही विवाहसोहळा बहरीनमध्ये मोठ्या थाटामाटात पार पडणार आहे. या डेस्टिनेशन वेडिंगसाठी केवळ ४०० मोजक्या पाहुण्यांना निमंत्रण देण्यात आले आहे. ४ ते ७ डिसेंबर या कालावधीत हा खास विवाहसोहळा संपन्न होईल. राष्ट्रवादी काँग्रेस पक्षातील निवडक नेत्यांमध्ये सुनील तटकरे आणि प्रफुल्ल पटेल यांनाच निमंत्रण गेल्याचे कळते. जय पवार यांच्या पत्नी ऋतुजा या फलटणमधील उद्योजक प्रवीण पाटील यांच्या कन्या आहेत. विवाहसोहळ्याचे विस्तृत नियोजन दोन्ही कुटुंबांनी केले आहे, ज्यात ४ डिसेंबरला मेहंदी, ५ डिसेंबरला हळद आणि वरात, ६ डिसेंबरला मुख्य लग्न सोहळा आणि संगीत कार्यक्रम, तर ७ डिसेंबरला स्वागत समारंभ आयोजित करण्यात आला आहे.