Jay Pawar Wedding : दादांच्या पुत्राचं डेस्टिनेशन वेडिंग, जय पवारांचं वऱ्हाड निघालं बहरीनला.. लग्नाला 400 पाहुणे, NCP मध्ये कोणाला निमंत्रण?

उपमुख्यमंत्री अजित पवार यांचे पुत्र जय पवार आणि फलटणचे उद्योजक प्रवीण पाटील यांच्या कन्या ऋतुजा पाटील यांचा शाही विवाह सोहळा बहरीनमध्ये आयोजित करण्यात आला आहे. 4 ते 7 डिसेंबर या कालावधीत हा चार दिवसांचा डेस्टिनेशन वेडिंग सोहळा पार पडणार आहे. या खासगी समारंभासाठी केवळ 400 पाहुण्यांना निमंत्रण देण्यात आले आहे. राष्ट्रवादी काँग्रेस पक्षातून फक्त खासदार सुनील तटकरे आणि प्रफुल्ल पटेल यांना या विवाह सोहळ्यासाठी निमंत्रित करण्यात आले आहे.

या नियोजनबद्ध सोहळ्यात 4 डिसेंबर रोजी मेहंदी समारंभ, 5 डिसेंबर रोजी हळदी, वरात आणि मुख्य लग्न सोहळा, तर 6 डिसेंबर रोजी संगीत कार्यक्रम आणि 7 डिसेंबर रोजी स्वागत समारंभ आयोजित करण्यात आला आहे. महाराष्ट्राच्या राजकारणात सक्रिय असलेल्या अजित पवारांच्या कुटुंबातील या विवाह सोहळ्याची सध्या चर्चा आहे. हा विवाह सोहळा मोठ्या थाटामाटात पण मोजक्या पाहुण्यांच्या उपस्थितीत पार पडणार आहे.