Delhi Police PC | कॉक्रोच जनता पार्टीच्या जंतरमंतरवरील आंदोलनाबाबत दिल्ली पोलिसांची पत्रकार परिषद, थेट…

दिल्लीत NEET पेपरफुटी प्रकरणावरून सुरू असलेल्या आंदोलनाने पुन्हा जोर धरला आहे. CJP ने जंतरमंतर येथे तळ ठोकला असून या आंदोलनाकडे देशाचे लक्ष लागले आहे. दरम्यान, दिल्ली पोलिसांनी या संपूर्ण प्रकरणावर पत्रकार परिषद घेण्याची घोषणा केली आहे.

पावसाळी अधिवेशनाच्या पहिल्याच दिवशी जंतरमंतर परिसरात मोठा गोंधळ झाल्याचे पाहायला मिळाले. आंदोलकांनी सरकारविरोधात जोरदार घोषणाबाजी करत आंदोलन अधिक तीव्र केले. या घटनेनंतर परिसरात मोठा पोलीस बंदोबस्त तैनात करण्यात आला.

आंदोलकांकडून पोलिसांनी लाठीचार्ज केल्याचा आरोप करण्यात आला आहे. आंदोलनादरम्यान काही विद्यार्थी आणि कार्यकर्त्यांना धक्काबुक्की झाल्याचाही दावा करण्यात आला आहे. त्यामुळे या घटनेची चर्चा देशभर सुरू झाली आहे.

मात्र, दिल्ली पोलिसांनी हे सर्व आरोप फेटाळले आहेत. पोलिसांच्या म्हणण्यानुसार काही आंदोलकांनी आधी दिलेल्या सूचनांचे आणि नियमांचे उल्लंघन केले. त्यामुळे परिस्थिती नियंत्रणात ठेवण्यासाठी आवश्यक ती कारवाई करण्यात आल्याचे त्यांनी स्पष्ट केले.

दरम्यान, दिल्ली पोलिसांची आज दुपारी 1 वाजता पत्रकार परिषद होणार आहे. या परिषदेत आंदोलनातील घटनाक्रम, पोलिसांची भूमिका आणि पुढील उपाययोजनांची माहिती दिली जाण्याची शक्यता आहे. त्यामुळे या पत्रकार परिषदेकडे सर्वांचे लक्ष लागले आहे.