एकनाथ खडसे यांनी पुन्हा एकदा सीडीचा विषय छेडून भाजपला इशारा दिला आहे. मध्यंतरी खडसेंच्या ईडी चौकशीनंतर सीडीचा विषय थोडासा मागे पडला होता. मात्र आपण ती सीडी पोलिसांकडे दिली आहे. लवकरच ती बाहेर येईल, असं खडसे म्हणाले आहेत. एकनाथ खडसे यांनी काल मीडियाशी बोलताना सीडी लावण्याचा इशारा दिला होता. ईडी लावली तर सीडी लावेन असं मी म्हणालो होतो. हे खरं आहे. गेल्या पाच सहा महिन्यांपासून ती सीडी पोलिसांकडे दिली आहे. पोलीस त्याची चौकशी करत आहेत. चौकशी अहवाल आल्यानंतर लवकरच मी हा अहवाल जाहीर करणार आहे, असं खडसे म्हणाले.