दुष्काळग्रस्त भागांच्या पाहणी दौऱ्यासाठी एकनाथ शिंदेंनी डिफेंडर गाडी नाकारली, थेट…

उपमुख्यमंत्री एकनाथ शिंदे यांनी दुष्काळग्रस्त भागांच्या पाहणी दौऱ्यासाठी डिफेंडर गाडी वापरण्यास नकार दिला आहे. शेतकऱ्यांप्रती संवेदनशीलता आणि गंभीर वृत्ती दाखवत त्यांनी आपला दौरा टोयोटा फॉर्च्युनर या गाडीमधून सुरू ठेवला आहे. सध्या राज्यातील अनेक ठिकाणी दुष्काळसदृश परिस्थिती निर्माण झाली आहे. या पार्श्वभूमीवर, उपमुख्यमंत्री शिंदे हे दुष्काळग्रस्त भागांची पाहणी करत असून शेतकऱ्यांच्या व्यथा समजून घेत आहेत.

राज्यात धारशिव, सोलापूर, लातूर यांसारख्या अनेक जिल्ह्यांमध्ये दुष्काळी परिस्थिती गंभीर बनली आहे. मुख्यमंत्रीही दुष्काळग्रस्त भागांना भेटी देत असताना, उपमुख्यमंत्री शिंदे देखील सक्रियपणे पाहणी दौऱ्यांवर आहेत. या दौऱ्यादरम्यान, शेतकऱ्यांशी संवाद साधताना आणि त्यांच्या समस्या जाणून घेताना, उपमुख्यमंत्री शिंदे यांनी आपली साधी आणि दुसरी गाडी वापरण्यास प्राधान्य दिले आहे. त्यांनी डिफेंडर गाडी नाकारण्याचा निर्णय घेतल्यामुळे त्यांची शेतकऱ्यांप्रति असलेली बांधिलकी अधिक स्पष्ट झाली आहे