Eknath Shinde Video : ‘आलटून-पालटून मुख्यमंत्री करू’, नाना पटोलेंच्या ऑफरवर एकनाथ शिंदे थेट म्हणाले, ‘ज्याला आवडेल…’

काँग्रेस नेते नाना पटोले यांनी होळीच्या निमित्ताने राज्याचे उमपुख्यमंत्री एकनाथ शिंदे आणि अजित पवारांना थेट मुख्यमंत्रिपदाची ऑफर दिली. इतकंच नाहीतर आमच्याकडे या, आम्ही पाठिंबा देऊ, असे नाना पटोलेंनी म्हटले. यामुळे राजकीय वातावरण तापणार असून महायुतीकडून काय उत्तर मिळणार याकडे आता लक्ष लागून आहे. तर उपमुख्यमंत्री अजित पवार आणि एकनाथ शिंदे यांना काँग्रेससोबत येण्याची ऑफर देत त्यांची अवस्था फार वाईट असल्याचे म्हटले. मात्र नाना पटोले यांनी दिलेल्या या ऑफरवर उमपुख्यमंत्री एकनाथ शिंदे थेट प्रत्युत्तर देत त्यांची ऑफर धुडकावून लावल्याचे पाहायला मिळाले. ‘आमचा रंग भगवा आहे. ज्याला भगवा परवडेल, आवडेल त्यांनी आमच्याच सोबत यावं. भगवा रंग हा वैश्विक आहे. भगवा रंग हा हिंदुत्वाचा रंग आहे. सनातन धर्माचा आहे. त्यामुळे हा भगवा रंग कोणाचाही द्वेष करणारा नाही. तर सगळ्यांना सोबत घेऊन जाणारा आहे. म्हणून ज्याला कोणाला वाटेल त्यांनी या भगव्या रंगात न्हाहून निघावं सोबत यावं, त्यांना माझ्या शुभेच्छा आहेत. ‘, असं एकनाथ शिंदे म्हणाले.