परभणीत एकनाथ शिंदे यांचा भव्य शेतकरी मेळावा; महाराष्ट्राच्या राजकारणात महत्त्वाचं ठरणार

उपमुख्यमंत्री एकनाथ शिंदे यांच्या नेतृत्वाखाली परभणी येथे भव्य शेतकरी मेळाव्याचे आयोजन करण्यात आले आहे. प्रियदर्शनी इंदिरा गांधी स्टेडियमवर ३० तारखेला हा मेळावा पार पडणार असून, त्याची तयारी अंतिम टप्प्यात आहे. या मेळाव्यात २५ ते ३० हजार लोक सहभागी होण्याची व्यवस्था करण्यात आली आहे.

या सभेमध्ये एकनाथ शिंदे यांच्यासोबत अनेक मंत्री, मराठवाड्यातील आमदार आणि खासदार उपस्थित राहण्याची शक्यता आहे. खासदार संजय जाधव यांच्या बंडखोरीनंतर शिंदे यांचा परभणीचा हा पहिलाच दौरा असल्याने याला विशेष महत्त्व प्राप्त झाले आहे. शिंदे परभणीच्या विकासावर बोलण्याची तसेच शेतकरी, व्यापारी आणि उद्योजकांशी संवाद साधण्याची शक्यता आहे. राजकीयदृष्ट्याही हा मेळावा महत्त्वाचा मानला जात आहे. उद्धव ठाकरे यांच्या शिवसेनेतून तसेच राष्ट्रवादी काँग्रेसमधून अनेक कार्यकर्ते आणि पदाधिकारी एकनाथ शिंदे यांच्या उपस्थितीत शिवसेनेत प्रवेश करणार असल्याची चर्चा आहे. यामुळे विरोधकांना मोठा धक्का बसेल, असेही म्हटले जात आहे. त्यामुळे महाराष्ट्राच्या राजकारणात ही सभा निर्णायक ठरू शकते.