Bhaskar Jadhav son : भास्कर जाधवांच्या मुलानं गृहराज्य मंत्र्यांच्या कार्यकर्त्याला धमकावलं अन् धुतलं, प्रकरण अंगाशी; कोकणात राजकीय शिमगा

ठाकरे गटाचे आमदार भास्कर जाधव यांचे सुपुत्र विक्रांत जाधव यांच्यावर मारहाण केल्याचा गंभीर आरोप करण्यात आला आहे. ही घटना रत्नागिरी जिल्ह्यातील चिपळूण येथे घडली आहे. योगेश कदम यांचे समर्थक आणि शिवसेना कार्यकर्ते सचिन काते यांनी विक्रांत जाधव यांनी आपल्याला मारहाण केल्याचा दावा केला आहे. या आरोपांनुसार, विक्रांत जाधव यांच्या विरोधात पोलिसांत गुन्हा देखील दाखल करण्यात आला आहे.

मिळालेल्या माहितीनुसार, विक्रांत जाधव यांच्यासह एकूण आठ जणांविरोधात लोटे पोलीस ठाण्यात गुन्हा नोंदवण्यात आला आहे. या घटनेमुळे राजकीय वर्तुळात चर्चांना उधाण आले आहे. पोलिसांनी या प्रकरणाची सखोल चौकशी सुरू केली आहे. मारहाणीचे नेमके कारण आणि त्यामागील पार्श्वभूमी तपासली जात आहे. पुढील कारवाईसाठी पोलीस पुरावे गोळा करत आहेत.