Satej Patil : आज गोकुळचा अध्यक्ष  ठरणार आमदार सतेज पाटील यांची प्रतिक्रिया, म्हणाले…

कोल्हापूर येथे गोकुळ दूध संघाच्या अध्यक्षपदाच्या निवडणुकीसाठी आज (दि. २४) मतदान प्रक्रिया पार पडत आहे. या पार्श्वभूमीवर आमदार सतेज पाटील यांनी आपली भूमिका स्पष्ट केली आहे. न्यायालयाच्या आदेशाचा सन्मान राखत निवडणूक प्रक्रियेत सहभागी होणार असल्याचे त्यांनी सांगितले. कार्यकर्त्यांनी शांतता राखावी आणि कोणतीही अनुचित घटना घडू नये यासाठी त्यांनी आवाहन केले.

सतेज पाटील यांच्यावतीने शशिकांत पाटील सुयेकर यांचा अर्ज अध्यक्षपदासाठी भरण्यात येणार आहे. काल झालेल्या संघर्ष मोर्चानंतर सायंकाळी न्यायालयाने दिलेल्या निकालाचा आदर करत, आजची निवडणूक प्रक्रिया शांततेत पार पाडावी अशी भूमिका सतेज पाटील यांनी घेतली आहे. अध्यक्षपदाच्या निवडीनंतर २४ तारखेला पुढील रणनीती जाहीर करणार असल्याचे त्यांनी स्पष्ट केले. महायुतीकडूनही शक्तिप्रदर्शन केले जात असून, १२ निर्वाचित आणि ४ शासन नियुक्त असे एकूण १६ संचालक एकत्र आले आहेत. यामुळे कोल्हापूर जिल्ह्याचे लक्ष या निवडीकडे लागले आहे.