Gunratna Sadavarte : …हे दळभद्री, यांची राख अन् माती होणार, सदावर्तेंचा ठाकरे बंधूंवर हल्लाबोल

वकील गुणरत्न सदावर्ते यांनी १ नोव्हेंबर रोजी होणाऱ्या विरोधकांच्या मोर्चावर जोरदार टीका केली आहे. निवडणुकीत राज ठाकरे आणि उद्धव ठाकरे यांची माती होणार असल्याचा दावा करत, पराभव निश्चित दिसत असल्यानेच हा मोर्चा काढला जात असल्याचे ते म्हणाले. सदावर्ते यांनी डीसीपींची भेट घेऊन विरोधकांच्या या मोर्चाला विरोध दर्शवला.

दुसरीकडे, मनसेनेही मतदार यादीतील संभाव्य घोळाचे सादरीकरण करण्यासाठी आज रंगशारदा सभागृहात मेळावा आयोजित केला आहे. राज ठाकरे यांच्याकडून या संदर्भात एक व्हिडिओ दाखवला जाणार आहे. दरम्यान, १ नोव्हेंबरच्या निवडणूक आयोगाविरोधातील मोर्चासाठी आज दुपारी शरद पवार, राज ठाकरे, उद्धव ठाकरे आणि काँग्रेसचे ज्येष्ठ नेते यांच्यासह विरोधकांची बैठक यशवंतराव चव्हाण सेंटर येथे होणार आहे.

स्थानिक स्वराज्य संस्थांच्या निवडणुकांमध्ये पारदर्शकता आणण्यासाठी दुबार मतदारांची तपासणी करण्याचे आदेश राज्य निवडणूक आयोगाने प्रशासनाला दिले आहेत. तसेच, मुंबई महानगरपालिकेच्या निवडणुकीची आरक्षण सोडत ११ नोव्हेंबरला निघणार आहे. जैन बोर्डिंग प्रकरण, रवींद्र धंगेकर यांची तक्रार आणि सुषमा अंधारे यांचे रणजितसिंह नाईक निंबाळकरांवरील आरोप यांसारख्या इतर घटनांनीही राजकारण तापले आहे.