Imtiaz Jaleel : MIM येणाऱ्या सर्व निवडणुका लढवणार अन् तशी तयारी… BMC निवडणुकीबद्दल जलील यांचं मोठं वक्तव्य

एमआयएम येणाऱ्या सर्व निवडणुका लढवणार असल्याचं मोठं वक्तव्य माजी खासदार आणि एमआयएमचे नेते इम्तियाज जलील यांनी केलं.  नुकतीच एमआयएमची एक बैठक पार पडली. यानंतर त्यांनी माध्यमांशी संवाद साधला. इम्तियाज जलील म्हणाले, आम्ही लवकरच सदस्यता मोहीम राबवणार आहोत. फक्त महानगर पालिकाच नाही तर सर्व निवडणुका पूर्ण ताकदीने लढवल्या जाणार आहेत. भाजपची सोशल मीडिया टीम पैशाने कोणतीही बातमी पसरवते. पण एमआयएमची मजबूत सोशल मीडिया टीम तयार केली जाईल. राष्ट्रीय प्रवक्त्याचीही नियुक्ती केली जाईल, असे जलील यांनी सांगितले. तर युतीच्या बाबतीत जिल्हास्तरीय नेत्यांना जबाबदारी दिली जाईल. एमआयएमकडून अनेक मोठ्या बैठका आयोजित केल्या जातील ज्यामध्ये असुद्दीन ओवौसी देखील उपस्थित राहणार असल्याची माहिती त्यांनी यावेळी दिली.

इम्तियाज जलील असेही म्हणाले की, बीएमसी निवडणुका काही ना काही कारणास्तव पुढे ढकलल्या जात आहेत. पण न्यायालयाने आता या निवडणुकी चार महिन्यात घेण्याचे आदेश दिले आहेत तर आमची तयारी तशीच सुरू आहे. कारण आमच्या पक्षाची सुरुवात स्थानिक स्वराज्य संस्थांच्या निवडणुकांपासून झाली होती. यावेळीही आमची तयारी जोमाने सुरू आहे. यावर चर्चा करण्यासाठी आपण आज भेटलो आहोत. कुठे आणि किती जागा लढवता येतील यावर सविस्तर चर्चा होईल.