जीएसटीचे नव्या दरांचा घरगुती वस्तूंच्या किमतींवर परिणाम होणार!

पंतप्रधान नरेंद्र मोदी यांनी जीएसटी दर कमी करण्याची घोषणा केली आहे. यामुळे सामान्य जनतेला मोठा दिलासा मिळणार आहे. या नवीन सुधारणांनुसार, रोजच्या वापरातील बहुतेक वस्तूंवर फक्त 5% किंवा 18% टॅक्स लागेल. पूर्वी 12% टॅक्स असलेल्या वस्तूंपैकी 99% वस्तू आता 5% टॅक्सच्या गटात येत आहेत. याचा अर्थ असा की, घर, टीव्ही, फ्रीज, कार आणि बाईकसारख्या वस्तूंच्या किमती कमी होण्याची अपेक्षा आहे. खाणे-पिणे, औषधे, साबण, कपडे आणि इतर अनेक आवश्यक वस्तू आणि सेवांवरही टॅक्स कमी होईल किंवा त्यांना टॅक्समुक्त करण्यात येईल. सरकारचा दावा आहे की यामुळे मध्यमवर्गीय कुटुंबांना मोठी मदत मिळेल. या नवीन जीएसटी सुधारणा केंद्र आणि राज्य सरकारच्या संयुक्त प्रयत्नांचे फळ आहेत.