Indurikar Maharaj Quits : आता बस्स थांबणार… कंटाळलोय… इंदुरीकर महाराज कीर्तन सोडणार? बघा नेमकी काय व्यक्त केली खंत?

प्रसिद्ध कीर्तनकार इंदुरीकर महाराजांनी मुलीच्या साखरपुड्यावरून झालेल्या ट्रोलिंगमुळे व्यथित होऊन लवकरच कीर्तन थांबवणार असल्याची खंत व्यक्त केली आहे. इंदुरीकर महाराजांनी जुन्नर येथील कीर्तनात आपल्या भावना बोलून दाखवल्यात. गेल्या काही दिवसांपासून सोशल मीडियावर इंदूरीकर महाराज चांगलेच चर्चेत आहे. मुलीच्या साखरपुड्यातील कपड्यांच्या खरेदीवरून ट्रोलर्सनी त्यांना जोरदार ट्रोल केलंय. या ट्रोलिंगवर इंदूरीकर महाराजांनी आपली नाराजी व्यक्त केली आहे. “बस्स झालं आता मी कटाळलो महाराज. मी जवळजवळ आता दोन-तीन दिवसात एक क्लिप टाकणार आणि थांबून घेणार आहे आता. बस्स झाले ३१ वर्षे,” असे म्हणत त्यांनी कीर्तन थांबवण्याचे संकेत दिले. आयुष्यात चांगलेच केले, पण त्याचे फळ माझ्यापर्यंत ठीक होते, ते घरादारापर्यंत जायला नको होते, असे त्यांनी म्हटले.