BRICS Summit 2026 | ब्रिक्स परिषदेसाठी इराणचे राष्ट्राध्यक्ष मसूद पेझेशकियान भारतात दाखल! आज पंतप्रधान मोदींसोबत काय होणार चर्चा?

इराणचे नवनिर्वाचित राष्ट्राध्यक्ष मसूद पेझेशकियान ब्रिक्स परिषदेच्या निमित्ताने भारताच्या राजधानी दिल्लीत दाखल झाले आहेत. त्यांच्या या दौऱ्यामुळे भारत आणि इराण यांच्यातील संबंध अधिक दृढ होण्याची अपेक्षा व्यक्त केली जात आहे. दिल्लीत दाखल झाल्यानंतर, पेझेशकियान हे भारताचे पंतप्रधान नरेंद्र मोदी यांची भेट घेणार आहेत.

पंतप्रधान नरेंद्र मोदी आणि राष्ट्राध्यक्ष पेझेशकियान यांच्यात संध्याकाळी सव्वा सहा वाजता द्विपक्षीय चर्चा होणार आहे. या चर्चेमध्ये दोन्ही देशांमधील व्यापार, ऊर्जा सहकार्य, प्रादेशिक सुरक्षा, चाबहार बंदर प्रकल्प आणि जागतिक पातळीवरील विविध मुद्द्यांवर विचारमंथन होण्याची शक्यता आहे. ब्रिक्स परिषदेमध्ये इराणचा समावेश झाल्यानंतर, राष्ट्राध्यक्षांचा हा पहिलाच भारत दौरा आहे. या भेटीमुळे दोन्ही देशांमधील धोरणात्मक भागीदारीला चालना मिळेल आणि परस्पर सहकार्यासाठी नवीन संधी निर्माण होतील अशी आशा आहे.