VIDEO |इस्रो प्रमुखांनी दिली पंतप्रधान मोदींना चांद्रयान-3 च्या प्रक्रियेची माहिती

बेंगळुरू : 26 ऑगस्ट 2023 | पंतप्रधान नरेंद्र मोदी जोहान्सबर्ग येथील ब्रिक्स परिषद संपताच माय देशी परतले. पण ते दिल्ली येथे न जाता थेट बेंगळुरूला जाणं पसंत केलं. यावेळी त्यांचे तेथे जोरदार स्वागत करण्यात आलं. तर सकाळीच ते येणार असल्याने ६ वाजल्यापासून जनता त्यांची वाट पाहत होती. यावेळी त्यांनी जनतेला संबोधित करताना, शास्त्रज्ञांबाबत गौरवद्गार काढले.

तसेच ‘जय जवान, जय किसान, जय विज्ञान आणि जय अनुसंधान’चा नारा दिला. यानंतर त्यांनी बेंगळुरू येथील इस्रोच्या मुख्यालयात जाऊन चांद्रयान-३ च्या शास्त्रज्ञांची भेट घेतली. त्यावेळी त्यांनी इस्रो प्रमुखांना मिठी मारली आणि त्यांच्या पाठीवर थाप दिली. यावेळी तेथील इस्रो सेंटरमध्ये असणाऱ्या चांद्रयानचे संपूर्ण मॉडेल शास्त्रज्ञांनी पंतप्रधान मोदी यांना दाखवले. तर इस्त्रो प्रमुखांनी चांद्रयान-३ मोहिमेतीच्याबाबत त्यांना माहिती दिली.