Pankaja Munde News : जालना मारहाण घटनेत आरोपीवर गुन्हा दाखल, पंकजा मुंडेंची माहिती

जालन्यातील मारहाण घटने प्रकरणी एका आरोपीवर गुन्हा दाखल करण्यात आला आहे असं पंकजा मुंडे यांनी म्हंटलं आहे. मारहाण करून व्हिडिओ काढणाऱ्या आरोपींवर कारवाई झाली पाहिजे असंही त्यांनी यावेळी बोलताना म्हंटलं आहे.

जालना जिल्ह्यात भोकरदन येथे मंदिरात का गेला म्हणून लोखंडी सळईने एका धनगर युवकास चटके दिल्याची घटना घडली होती, आरोपीने या अमानुष घटनेचा व्हिडिओ काढला आहे. या घटनेबद्दल राज्यभरातून संताप व्यक्त केला जात आहे. या घटनेवर बोलताना नेत्या पंकजा मुंडे यांनी देखील निषेध व्यक्त करत अशा आरोपींवर कठोर कारवाई व्हायला हवी असं म्हंटलं आहे. तसंच सदर घटनेत एका आरोपीवर गुन्हा दाखल झाला असल्याचीही माहिती त्यांनी दिली आहे.