ठाकरेंना सर्वात मोठा धक्का! कालच बैठक घेतली अन् आज ठाकरेंच्या नगरसेवकांनी… अखेर ज्याची भीती तेच घडलं

सोलापूरमध्ये कळंब येथील नऊ ते दहा नगरसेवकांनी, जे पूर्वी उद्धव बाळासाहेब ठाकरे गटात होते, त्यांनी भारतीय जनता पक्षामध्ये प्रवेश केला. भाजप नेते जगदीश सिंह राणा यांनी रवींद्र चव्हाण यांच्या उपस्थितीत झालेल्या या पक्षप्रवेशावर बोलताना सांगितले की, हा निर्णय कळंब आणि धाराशिव जिल्ह्याच्या विकासाच्या दृष्टीने घेण्यात आला आहे. राणा यांनी स्पष्ट केले की, हा प्रवेश ऑपरेशन टायगर किंवा ऑपरेशन लोटस यांसारख्या राजकीय खेळीचा भाग नसून, केवळ विकासाचे उद्दिष्ट डोळ्यासमोर ठेवून झाला आहे.

धाराशिव जिल्ह्याच्या विकासासाठी भाजप कटिबद्ध असून, जनतेचा पक्षावर पूर्ण विश्वास असल्याचे राणा यांनी नमूद केले. ते म्हणाले, “आम्ही जिल्ह्याच्या विकासासाठी, दरडोई उत्पन्न वाढवण्यासाठी, मोठे प्रकल्प आणण्यासाठी आणि तुळजापूरच्या विकासासारख्या मुद्द्यांवर लक्ष केंद्रित करत आहोत.” त्यांनी पक्षातील गटबाजीच्या चर्चा फेटाळून लावत, बसवराज पाटील यांच्याशी कोणतेही मतभेद नसल्याचे आणि सर्वजण मिळून काम करत असल्याचे सांगितले.