Khawaja Asif : पाकिस्तानची सर्वात मोठी कबुली… ती आमची चूक, US च्या इशाऱ्यावरून घाणरडं कृत्य अन्… पाक संरक्षण मंत्र्यांना पश्चाताप?

देशात भारत पाकिस्तानात युद्धजन्य परिस्थिती असताना या दरम्यान, पाकिस्तानचे संरक्षण मंत्री ख्वाजा आसिफ यांनी एक मोठी कबूली दिली आहे. पाकिस्तान गेल्या 30 वर्षांपासून दहशतवाद्यांना पाठिंबा आणि प्रशिक्षण देत आहे. अतिरेक्यांना पोसण्याचं काम अमेरिका आणि पाश्चात्य देशांच्या सांगण्यावरून केलं असून अमेरिका आणि पाश्चात्य देशांसाठी हे घाणेरडे काम करत आहेत, असं पाकिस्तानचे संरक्षण मंत्री ख्वाजा आसिफ यांनी म्हटलंय. शुक्रवारी ख्वाजा आसिफ यांनी ब्रिटिश वृत्तपत्र द स्कायला एक मुलाखत दिली. या मुलाखतीत त्यांनी ही मोठी कबुली दिली. या मुलाखतीत मंत्री ख्वाजा आसिफ यांना विचारण्यात आले की, दहशतवादी गटांच्या कारवायांसाठी पाकिस्तान जबाबदार आहे का? यावर ते म्हणाले, जागतिक शक्तींनी त्यांच्या हितासाठी पाकिस्तानचा वापर केला.