Ladki Bahin Yojana : राहतं घर धड नाही अन् म्हणे चारचाकी घरी.. मोलमजुरी करणाऱ्या महिलेचा अर्ज बाद

रत्नागिरी जिल्ह्यातील चिपळूण तालुक्यातील कौंढर ताम्हाणे येथील एका महिलेचा लाडकी बहीण योजनेचा अर्ज बाद करण्यात आला. महिलेच्या नावावर चारचाकी वाहन असल्याचे कारण देत तिचा अर्ज नाकारण्यात आला. महिलेने सांगितले की, ती मोलमजुरी करून कुटुंबाचा उदरनिर्वाह करते आणि तिचे राहण्याचे घरही नीट नाही. तिच्याकडे चारचाकी गाडी कुठून असणार? असा सवाल करत या महिलेने ज्यांना गरज आहे त्यांना खरंच मदत द्या, अशी विनंती सरकारला केली आहे. या धक्कादायक प्रकरणानंतर गरजूंना मदत मिळण्यात अडचणी येत असल्याचे स्पष्ट झाले आहे. सरकारने याबाबत योग्य ती तपासणी करून या योजने मार्फत गरजूंना मदत द्यावी, अशी मागणी केली जात आहे.