Lalbaugcha Raja Auction : लालबागच्या राजाच्या चरणी अर्पण केलेलं 1 किलो सोनं तब्बल एवढ्या कोटींना विकलं! बाप्पाचा आशीर्वाद मानून भक्तानेच खरेदी केलं

मुंबईतील प्रसिद्ध लालबागच्या राजाला अर्पण करण्यात आलेल्या वस्तूंमधील १ किलो सोन्याच्या बिस्किटाचा आज लिलाव झाला. हे सोन्याचे बिस्किट १ कोटी ५५ लाख ५० हजार रुपयांना विकले गेले. विश्वजीत देशमुख यांनी हे मौल्यवान बिस्किट खरेदी केले.

या लिलावामागे देशमुख यांच्यासाठी एक विशेष आणि भावनिक कारण होते. त्यांना जेव्हा कळले की लिलावासाठी आलेले १ किलो सोन्याचे बिस्किट त्यांच्याच ब्रँडचे आहे, तेव्हा ते तात्काळ ते विकत घेण्यासाठी परत आले. एका भाविकाने हे बिस्किट लालबागच्या राजाच्या चरणी अर्पण केले होते. देशमुख यांनी याला केवळ एक वस्तू न मानता, “बाप्पाचा आशीर्वाद” मानले आणि आपल्यासोबत ठेवण्यासाठी ते खरेदी केले. यापूर्वीही त्यांनी बाप्पाचा आशीर्वाद म्हणून एक लहान सोन्याची चेन खरेदी केली होती. ही खरेदी त्यांची बाप्पावरील अढळ श्रद्धा दर्शवते.