Bihar Election Results 2025 : लालू प्रसाद यांचे दोन्ही पुत्र पिछाडीवर, तेजस्वी यादव अन् आरजेडीला मोठा धक्का, बघा किती जागा?

बिहार विधानसभा निवडणूक 2025 च्या निकालांचे सुरुवातीचे कल महाआघाडीसाठी निराशाजनक ठरले आहेत. राष्ट्रीय लोकशाही आघाडी (NDA) ला दणदणीत बहुमत मिळण्याची चिन्हे आहेत. निवडणूक आयोगाच्या आकडेवारीनुसार, लालू प्रसाद यादव यांचे दोन्ही पुत्र पिछाडीवर आहेत, ज्यामुळे आरजेडीच्या भवितव्यावर प्रश्नचिन्ह निर्माण झाले आहे. जनतेने तेजस्वी यादव यांनी केलेल्या मोफत वीज आणि सरकारी नोकऱ्यांच्या घोषणांना प्रतिसाद न दिल्याचे चित्र आहे.

सकाळच्या पहिल्या तासाभरातील आघाडीनंतर राष्ट्रीय जनता दलाची (आरजेडी) आघाडी 72 वरून थेट 33 जागांवर खाली आली आहे. काँग्रेसची आघाडीही 17 वरून 5 जागांवर पोहोचली आहे, ज्यामुळे महाआघाडीचा एकूण आकडा केवळ 47 वर थांबला आहे. या निकालांचा सर्वात मोठा फटका मुख्यमंत्रीपदाचा चेहरा असलेल्या तेजस्वी यादव यांना बसला आहे. ते त्यांच्या पारंपरिक राघोपूर मतदारसंघात भाजपचे उमेदवार सतीश कुमार यांच्याकडून 1273 मतांनी पिछाडीवर आहेत. 2015 पासून या मतदारसंघाचे आमदार असलेल्या तेजस्वी यादव यांना हॅट्ट्रिकची अपेक्षा होती.