Pragya Satav Joins BJP: प्रज्ञा सातव भाजपवासी, एकाच प्रवेशात BJP कडून 2 शिकार? विधान परिषदेतही विरोधी पक्षनेता नसणार?

काँग्रेसच्या दिवंगत खासदार राजीव सातव यांच्या पत्नी आणि विधान परिषदेच्या आमदार प्रज्ञा सातव यांनी नुकताच भारतीय जनता पक्षात प्रवेश केला. विकासाचे कारण देत त्यांनी हा निर्णय घेतल्याचे सांगितले आहे. मात्र, त्यांच्या या प्रवेशामुळे भाजपने काँग्रेसला दुहेरी धक्का दिल्याची चर्चा राजकीय वर्तुळात सुरू आहे. प्रज्ञा सातव यांनी आपल्या दिवंगत पती राजीव सातव यांच्या अपूर्ण विकासकामांची पूर्तता करण्यासाठी तसेच महाराष्ट्राच्या विकासात हातभार लावण्यासाठी भाजपमध्ये सामील झाल्याचे नमूद केले. विशेष म्हणजे, त्या काँग्रेसकडून विधान परिषदेवर निवडून आल्या होत्या आणि त्यांच्या आमदारकीचा पाच वर्षांचा कालावधी शिल्लक असतानाच त्यांनी राजीनामा दिला. या प्रवेशामुळे विधान परिषदेतील काँग्रेसचे संख्याबळ घटले आहे. आधीच विधानसभेत विरोधी पक्षनेतेपद गमावलेल्या काँग्रेसला आता विधान परिषदेतही विरोधी पक्षनेतेपद मिळवताना अडचण येऊ शकते. यामुळे काँग्रेसचे स्थानिक कार्यकर्ते आणि समर्थकांनी प्रज्ञा सातव यांच्या निर्णयावर संताप व्यक्त केला आहे.