Opinion Poll | मतदार राजाची पसंती कुणाला? आगामी लोकसभा निवडणुकीचा ओपीनियन पोल काय?

मुंबई, १६ मार्च २०२४ : आगामी लोकसभा निवडणुकीसंदर्भातील ‘tv9 आणि EMBARGO ‘ चा ओपीनियन पोल समोर आला आहे. या पोलनुसार, उत्तर प्रदेशमध्ये एनडीएला ७३ जागा तर इंडीया आघाडीला ७ जागा मिळणार आहे. तर उत्तर प्रदेशात भाजपला ७० आणि काँग्रेसला १ जागा मिळणार आहे. यासोबत बिहारमध्ये एनडीएला ३८ तर इंडीया आघाडीला ३ जागा मिळणार असा अंदाज या ओपीनियन पोलमधून समोर आला आहे. पंजाबमध्ये आपला ११ जागा आणि भाजपला २ जागा मिळणार असून पंजाबमध्ये काँग्रेसचं एकही खातं उघडणार नसल्याचा अंदाज या पोलद्वारे समोर येत आहे. उत्तरप्रदेशात एकूण ८० जागा आहेत त्यापैकी भाजपा ७०, समाजवादी पार्टी ०६, काँग्रेस ०६, आरएलडी ०२ आणि अपना दल ला १ जागा मिळणार असल्याचा अंदाज बांधला जात आहे. बिहारमध्ये एकूण ४० जागा आहेत त्यापैकी भाजपा १७, काँग्रेस ०२, जेडीयू १५ आणि एलजेपी ०५ आणि एचएएमला १ जागा मिळणार असल्याचे सांगितले जात आहे.