Mumbai BMC Election : मविआत फूट, काँग्रेस महानगरपालिका निवडणुकीत स्वतंत्र लढणार… मुंबईत फायदा महायुतीचाच?

मुंबईत महाविकास आघाडीमध्ये फूट पडल्याचे वृत्त समोर आले आहे. काँग्रेसनं मुंबई महानगरपालिका निवडणुकीत स्वतंत्रपणे लढण्याची अधिकृत घोषणा केली आहे. काँग्रेसचे प्रभारी चेन्नीथला यांनी काँग्रेस २२७ जागांवर लढणार असल्याचे स्पष्ट केले. या निर्णयामागे बिहारमधील निवडणूक निकालांवरून ठाकरे शिवसेना आणि काँग्रेसमध्ये झालेल्या मतभेदांचा संदर्भ दिला जात आहे.

अंबादास दानवे यांनी काँग्रेसच्या जागावाटपातील मागणी आणि विजयाच्या कमी प्रमाणावर टीका केली होती. काँग्रेसच्या स्वतंत्र लढण्याच्या निर्णयामुळे महाविकास आघाडीची एकजूट संपुष्टात आली आहे. यामुळे मतांचे विभाजन होऊन त्याचा फटका ठाकरे गट आणि शरद पवारांच्या राष्ट्रवादीला बसण्याची शक्यता राजकीय विश्लेषकांनी वर्तवली आहे. दुसरीकडे, भाजपने मुख्यमंत्र्यांच्या माध्यमातून महायुतीच मुंबईत जिंकेल आणि आपलाच महापौर होईल असा विश्वास व्यक्त केला आहे.