शिंदेंची मदत गावकऱ्यांनी नाकारली! साहित्य किट घेऊन आलेले टेम्पो परत पाठवले

धाराशिव तालुक्यातील परंडा येथील करंजा गावात भीषण पूर आल्याने ग्रामस्थ मोठ्या संकटात सापडले आहेत. उपमुख्यमंत्री एकनाथ शिंदे यांनी शिवसेनेच्या वतीने मदतीसाठी 12 साहित्यांची किट असलेले टेंपो पाठवले होते. मात्र, ग्रामस्थांनी हे टेंपो परत पाठवले. ग्रामस्थांचे म्हणणे आहे की, प्रशासनाकडून पुरेशी मदत मिळालेली नाही आणि तीन दिवसांपासून ते उपाशी आहेत. त्यांना फक्त पाणी पुरवले जात आहे. त्यांच्या मते, शिंदे यांची मदत केवळ देखावा आहे आणि त्यांना प्रत्यक्षात मदतीची गरज आहे. शेतकऱ्यांचे संपूर्ण संसार पाण्यात गेले आहे, शेती, जनावरे आणि लहान मुले धोक्यात आहेत. त्यांना अधिक मदतीची गरज आहे.