भाजप पूर्णपणे बाटलेला पक्ष! माणिकराव कोकाटेंचं मोठं विधान

अजित पवार यांचे नेते माणिकराव कोकाटे यांनी भाजपवर जोरदार निशाणा साधला आहे. कोकाटे यांनी भाजपला पूर्णपणे बाटलेला पक्ष असे संबोधले असून, “तिकडे जिकडे-तिकडे फोडाफोडी सुरू आहे,” असा गंभीर आरोप केला आहे. त्यांच्या या विधानामुळे महायुतीतील अंतर्गत संघर्ष पुन्हा एकदा समोर आला आहे. कोकाटेंच्या या आरोपांवर भाजप नेते रवींद्र चव्हाण यांनी उत्तर देणे टाळले. या राजकीय घडामोडींदरम्यान, राज्यातील १९ नगरपरिषदांमधील निवडणुका पुढे ढकलण्यात आल्या आहेत. बारामती, महाबळेश्वरसह अनेक ठिकाणच्या निवडणुका न्यायालयीन याचिका प्रलंबित असल्याने स्थगित करण्यात आल्याचा निर्णय निवडणूक आयोगाने घेतला आहे.