Maharashtra Weather Update : राज्यात पुन्हा मान्सून सक्रिय होणार, हवामान खात्याकडून ‘या’ 13 जिल्ह्यांना अलर्ट

एका मोठ्या विश्रांतीनंतर राज्यात मुंबईसह आसपासच्या भागात थांबलेला मान्सून पुन्हा एकदा सक्रिय होणार आहे. सकाळपासूनच मुंबईत पावसाच्या रिमझिम सरी बरसताना दिसताय. मुंबईसह आसपासच्या जिल्ह्यांमध्ये मान्सून पुन्हा एकदा सक्रिय होणार असल्याचा इशारा हवामान खात्याने दिला होता. त्यानुसार मुंबईत सकाळपासूनच ढगाळ वातावरण पाहायला मिळत आहे. मुंबईसह कोकण किनारपट्टीतील जिल्ह्यांसोबतच पश्चिम महाराष्ट्र मराठवाडा, विदर्भासह एकूण १३ जिल्ह्यांमध्ये पुढील आठ दिवस मुसळधार पाऊस पडेल, असा अंदाज हवामान खात्याने दिला आहे. गेल्या २६ मे रोजी मुंबईत मोठा पाऊस पडला होता. त्यावेळी मोठं नुकसान मुंबईकरांचं झालं होतं. त्यानंतर पावसानं मोठी विश्रांती घेतली होती. आज पुन्हा एकदा मान्सून सक्रिय होतोय. पुढच्या आठ दिवस महाराष्ट्रातील १३ जिल्ह्यात मुसळधार पावसाचा अंदाज हवामान खात्याने वर्तवला आहे.