Maratha Reservation Rally : जरांगे मुंबईच्या वेशीवर… 3 हजारांहून अधिक वाहनांचा ताफा अन् आझाद मैदानावर मराठ्यांचा एल्गार

मराठा समाजाला ओबीसी प्रवर्गातून आरक्षण मिळावं, या प्रमुख मागणीसाठी सातत्याने मनोज जरांगे पाटील हे आंदोलन करताना दिसताय. मात्र त्यांची मागणी सरकारकडून पूर्णतः मान्य केली जात नसल्याने त्यांनी पुन्हा एकदा उपोषणाचे हत्यार उपसले आहे. मराठी समाजाच्या आरक्षणासाठी जरांगेंनीची आक्रमक पवित्रा घेत पुन्हा मुंबईतील आझाद मैदानावर आंदोलनाची हाक दिली आहे. जरांगे पाटील यांच्या नेतृत्वाखाली आजपासून आंदोलन सुरू होत आहे. दरम्यान, मुंबईत गणेशोत्सवाची मोठी धूम पाहायला मिळत असते. यंदाही भाविक मोठ्या प्रमाणात गणपती बाप्पाचे दर्शन घेण्यासाठी बाहेर पडताय. मात्र गणेशोत्सवात कोणताही अडथळा नको, म्हणून मुंबई हाय कोर्टाने जरांगे यांना आझाद मैदान येथे आंदोलन करण्यास मनाई केली होती. मात्र पोलिसांनी काही अटी-शर्थी घालून फक्त एका दिवसाची परवानगी देत आंदोलन करण्यास सांगितले आहे. एका दिवसाची परवानगी मिळताच मनोज जरांगे पाटील मोठ्या ताफ्यासह मुंबईच्या वेशीवर धडकल्याचे पाहायला मिळतंय.