Manoj Jarange Patil : काही नासके लोक सोबत ठेवल्याने…; मनोज जरांगेंची अजित पवारांवर टीका

मनोज जरांगे पाटील यांनी नुकत्याच दिलेल्या निवेदनात अजित पवारांवर सडकून टीका केली आहे. जरांगे पाटील यांच्या मते, भाजपने आधी महाविकास आघाडी संपवली आणि आता उपमुख्यमंत्री एकनाथ शिंदे तसेच अजित पवार यांचा राजकीय काटा काढला आहे.

अजित पवार हे काही नाशिक्या आणि रक्ताने माखलेली लोकं आपल्या सोबत ठेवतात, यामुळे मराठा समाज त्यांच्यापासून दूर गेला आहे. याच कारणामुळे अजित पवारांना मराठा मतदारांचे पाठबळ मिळाले नाही, परिणामी पुण्यासारख्या ठिकाणी त्यांना निवडणुकीत अपेक्षित यश मिळू शकले नाही, असे मनोज जरांगे पाटील यांनी म्हटले आहे.

मनोज जरांगे पाटील यांनी अजित पवारांनी यातून धडा घ्यावा आणि आपली राजकीय भूमिका व सोबतचे सहकारी तपासून पहावेत, असा सल्लाही दिला. अशा चुकीच्या सहकार्यांमुळेच मराठा मतदारांनी अजित पवारांना मतदान केले नाही, अन्यथा पुण्यातील निवडणुकीचा निकाल वेगळा असता, असे जरांगेंनी स्पष्ट केले. महाराष्ट्राच्या राजकारणात सध्या सुरू असलेल्या घडामोडींवर मनोज जरांगे पाटील यांनी हे महत्त्वपूर्ण भाष्य केले आहे.