Vande Mataram 150 Years : ‘वंदे मातरम्’ गीताला 150 वर्ष पूर्ण, मंत्रालयात विशेष कार्यक्रम, मुख्यमंत्र्यांची उपस्थिती

वंदे मातरम् गीताला 150 वर्षे पूर्ण झाल्याच्या निमित्ताने मंत्रालयाच्या त्रिमूर्ती प्रांगणात एका विशेष कार्यक्रमाचे आयोजन करण्यात आले होते. या गौरवशाली सोहळ्यासाठी मुख्यमंत्री देवेंद्र फडणवीस, मंत्री मंगलप्रभात लोढा तसेच इतर मान्यवर, अधिकारी आणि कर्मचारी उपस्थित होते. मानसी सोनटक्के यांनी उपस्थितांचे स्वागत केले.

बंकिमचंद्र चटर्जी यांनी लिहिलेल्या या देशभक्तीपर अजरामर गीताचे सामूहिक गायन करण्यात आले. या प्रसंगी उपस्थितांनी एकत्रितपणे वंदे मातरम् गायले, ज्यामुळे वातावरणात देशभक्तीची भावना निर्माण झाली. हा क्षण भारतमातेच्या स्तुतीचा गौरव दिन म्हणून साजरा करण्यात आला. कार्यक्रमात आनंदमठच्या मराठी आवृत्तीची प्रत आणि सेक्रेट ऑफरिंग्ज इनटू द फ्लेम्स ऑफ फ्रिडम या पुस्तकांचे मान्यवरांना भेट देऊन स्वागत व सन्मान करण्यात आला. या आयोजनाने वंदे मातरम्च्या इतिहासाला उजाळा मिळाला.