तोडगा निघणार? मनोज जरांगेंना भेटण्यापूर्वी शिष्टमंडळाची अभ्यासकांसोबत सविस्तर चर्चा

मराठा आरक्षणाच्या मागणीसाठी उपोषणाला बसलेले मनोज जरांगे पाटील यांना भेटण्यासाठी सरकारचे एक शिष्टमंडळ अंतरवाली सराटी येथे पोहोचलेिव आहे. उच्च आणि तंत्रशिक्षणमंत्री उदय सामंत आणि आमदार प्रसाद लाड यांचा या शिष्टमंडळात समावेश आहे. जरांगे पाटील यांची भेट घेण्यापूर्वी या शिष्टमंडळाने दोन तास विविध अभ्यासक आणि तज्ज्ञांशी सखोल चर्चा केली. या चर्चेमध्ये मराठा आरक्षणासंदर्भात सरकारने घेतलेल्या निर्णयांचा आणि संभाव्य उपायांचा आढावा घेण्यात आला.

चर्चेनंतर, सरकारने घेतलेला महत्त्वाचा निर्णय अभ्यासक मनोज जरांगे पाटील यांना सांगितला जाणार आहे. दुसरीकडे, मंत्री राधाकृष्ण विखे पाटील आणि मकरंद पाटील यांनी जरांगे पाटील यांची भेट टाळली असून, ते छत्रपती संभाजीनगर येथे थांबले आहेत. जरांगे पाटील यांनी सातारा आणि कोल्हापूर गॅझेटच्या आधारावर मराठा आरक्षणाचा शासकीय अध्यादेश (जीआर) काढण्यासाठी सरकारला दोन दिवसांची मुदत दिली आहे. या पार्श्वभूमीवर, सरकारी शिष्टमंडळ जरांगे पाटील यांच्या भेटीला कोणत्या नवीन प्रस्तावासह जाते, हे पाहणे महत्त्वाचे ठरेल. ही भेट मराठा आरक्षणाच्या प्रश्नावर सकारात्मक तोडगा काढण्यास मदत करेल अशी अपेक्षा आहे.