Raj Thackeray : मिलिंद नार्वेकर राज ठाकरेंच्या भेटीसाठी ‘शिवतीर्थ’वर, कारण नेमकं काय?

नवनिर्वाचित एमसीए सदस्यांनी मनसे अध्यक्ष राज ठाकरे यांची शिवतीर्थ निवासस्थानी भेट घेतली. या भेटीला मिलिंद नार्वेकर आणि एमसीए अध्यक्ष अजिंक्य नाईक उपस्थित होते. या चर्चेचा मुख्य विषय क्रिकेट विकास हा होता. शिवाजी पार्क मैदानाचे महत्त्व कायम राखणे आणि मुंबई तसेच एमएमआर प्रदेशात क्रिकेटला प्रोत्साहन देणे यावर बैठकीत भर देण्यात आला.

अजिंक्य नाईक यांनी सांगितले की, राज ठाकरे यांचा क्रिकेटला नेहमीच पाठिंबा असतो. नाईक यांनी असेही नमूद केले की, त्यांचे सदस्य बिनविरोध निवडून आले असून, क्रिकेट हा एक असा खेळ आहे ज्याला मुख्यमंत्री, शरद पवार, उद्धव ठाकरे, आशिषजी, अजित पवार, एकनाथ शिंदे यांसारख्या अनेक राजकीय नेत्यांचा पाठिंबा मिळतो. मुंबई आणि संपूर्ण भारतात क्रिकेटप्रेमी मोठ्या संख्येने असल्याने, क्रिकेटच्या चांगल्या कार्याला नेहमीच सर्वांचे सहकार्य मिळते, असे नाईक यांनी स्पष्ट केले.