‘अजित दादा यांनी सरकारमध्ये यावं’, शिंदे सरकारमधील एका बड्या मंत्र्याची मोठी ऑफर

नाशिक : राज्याच्या शिंदे-फडणवीस सरकारमधील एका बड्या मंत्र्यानं राज्याचे विरोधीपक्षनेते आणि राष्ट्रवादीचे नेते अजित पवार यांनी सरकारमध्ये येण्याची खुली ऑफर दिली आहे. हा बडा मंत्री म्हणजे दीपक केसरकर असून ते म्हणाले, अजित पवार यांच्याबद्दल मला अतिश आदर आहे. दादा विरोधी पक्षाचे नेते आहेत. ते जबाबदार नेते आहेत. त्यांनी बेजबाबदार विधाने करू नये. संजय राऊत सारखे लोक रोज बोलतात. त्यांच्या बोलण्याकडे कोणी लक्ष देत नाही. मात्र दादा जेव्हा बोलतात ते जनता त्याला गांभीर्यांने घेते. सामाजिक ऐक्य राखण्यामध्ये दादा आमच्या बरोबर आघाडीवर असतील याची मला खात्री आहे, असं सांगतानाच दादांनी पण सरकारमध्ये यावे ही आमची अपेक्षा आहे, असं राज्याचे मंत्री आणि शिंदे गटाचे नेते आणि मंत्री दीपक केसरकर यांनी म्हटलं आहे.