Ganesh Naik : वाहतूक कोंडीत अडलेल्या मंत्र्यानंच मोडला नियम, उलट्या दिशेने ताफा अन्… ठाण्यातील VIDEO व्हायरल

ठाणे जिल्ह्यातील घोडबंदर रोडवर नेहमीच मोठ्या प्रमाणात वाहतूक कोंडीचा सामना करावा लागतो. अशाच एका प्रसंगात, जेव्हा अनेक नागरिक वाहतूक कोंडीत अडकले होते, तेव्हा एक घटना समोर आली आहे. वनमंत्री गणेश नाईक हे त्यांच्या कारमधून वाहतूक कोंडी टाळण्यासाठी थेट उलट्या दिशेने प्रवास करताना दिसल्याचे पाहायला मिळाले. या घटनेमुळे घोडबंदर रोडवर अडकलेल्या सामान्य नागरिकांनी तीव्र नाराजी व्यक्त केली आहे. मंत्रिपदावर असलेल्या व्यक्तीने वाहतूक नियमांचे उल्लंघन करून उलट्या दिशेने गाडी चालवल्याने, त्यांच्याबद्दल संताप व्यक्त केला जात आहे. वाहतूक कोंडी टाळण्यासाठी मंत्र्यांनीच नियमांना फाटा दिल्याने प्रशासनाच्या कार्यक्षमतेवर आणि सामान्य नागरिकांसाठी असलेल्या नियमांवर प्रश्नचिन्ह निर्माण झाले आहे. या प्रकारामुळे सार्वजनिक चर्चांना उधाण आले आहे.