शिवसैनिकांच्या अनोख्या बॅनरची तुफान चर्चा; उद्धव ठाकरे भावी पंतप्रधान अन् राज ठाकरे तर थेट…

ज्ञानेश कुमार यांच्या विरोधात महाराष्ट्र नवनिर्माण सेनेने (मनसे) मुंबईत गर्जना मोर्चाचे आयोजन केले आहे. हा मोर्चा मेट्रो सिनेमापासून सुरू होऊन मुंबई महानगरपालिकेसमोर समाप्त होईल, जिथे राज ठाकरे कार्यकर्त्यांना संबोधित करतील. मोर्चाच्या पार्श्वभूमीवर मुंबईत कडेकोट पोलीस बंदोबस्त ठेवण्यात आला आहे. मनसेचे कार्यकर्ते मोठ्या संख्येने या मोर्चात सहभागी होण्यासाठी नाशिकसह महाराष्ट्राच्या विविध भागातून मुंबईकडे रवाना झाले आहेत. सकाळी ९ वाजतापासून कार्यकर्ते मोर्चास्थळी जमायला सुरुवात झाली असून, १० वाजता मोर्चाला सुरुवात होण्याची शक्यता आहे.

या मोर्चादरम्यान दुचाकींवर राज ठाकरे भावी मुख्यमंत्री असे लिहिलेले पोस्टर्स झळकताना दिसले. राज ठाकरे यांनी २०१६ पासून काही महत्त्वाचे मुद्दे मांडले आहेत, आणि आजचा हा मोर्चा मतदारांच्या मनातील सल दूर करून ते लोकांसमोर आणण्यासाठी असल्याचे मनसे कार्यकर्त्यांनी सांगितले. हा मोर्चा महाराष्ट्रभर, विशेषतः नाशिक जिल्ह्यातील ग्रामीण आणि शहरी भागातील पदाधिकारी आणि सामान्य नागरिकांकडून मिळालेल्या पाठिंब्याचे प्रतीक आहे, जे मुंबईसाठी मोठ्या संख्येने येत आहेत.