मुंबईतील खड्ड्यांवर मनसे ना’राज’; हातात कागदी बोट, शीप घेत केलं अनोख आंदोलन!

मुंबई, 27 जुलै 2023 | मुंबईतील रस्त्यावरील खड्ड्यांवरून मनसे आता आक्रमक झाली आहे. महाराष्ट्र नवनिर्माण वाहतूक सेनेचे सरचिटणीस माऊली थोरवे यांच्या नेतृत्वाखाली मानखुर्द परिसरात मनसैनिकांकडून आंदोलन करण्यात येत आहे. हातात पोस्टर, कागदाची बोट आणि खेळण्यातली शीप घेऊन हे आंदोलन केलं जात आहे. सकाळी टिव्ही 9 मराठीने या खड्ड्यांची बातमी दाखवली होती यानंतर मनसे कार्यकर्त्यांकडून याची दखल घेत आंदोलन करण्यात येत आहे. खड्डे बुजवले नाही तर, आंदोलन अधिक तीव्र करू असा इशारा मनसेने राज्य सरकारला दिला आहे.