MNS : मनसेचे संदीप देशपांडे भाजपकडून का होतायत ट्रोल? इंदुरी चाट आणि बरंच काही… नेमकं आहे तरी काय?

मनसे नेते संदीप देशपांडे हे सध्या सोशल मीडियावर ट्रोलिंगचा सामना करत आहेत. भारतीय जनता पक्षाशी संबंधित अकाऊंट्सकडून संदीप देशपांडे यांचे ट्रोलिंग केले जात असल्याचे दिसून येत आहे. या ट्रोलिंगचे कारण म्हणजे त्यांच्या मालकीचे दादर येथील शिवाजी पार्क परिसरात एक उपहारगृह आहे.  या उपहारगृहात मध्य प्रदेशातील पारंपारिक पदार्थ, विशेषतः इंदूरी पदार्थ, उपलब्ध आहेत. उपहारगृहाचा स्वयंपाकी देखील परप्रांतीय असल्याने संदीप देशपांडे हे ट्रोलिंगला बळी पडले आहे. काही ट्रोलिंगमध्ये मराठी संस्कृती आणि परप्रांतीय अन्नाचा विषय जोडण्याचा प्रयत्न करण्यात आला आहे. यावरच संदीप देशपांडे यांनी टीव्ही ९ ला प्रतिक्रिया दिली आहे.